Aizawl: Nimin khan Kolasib DC Conference Hall-ah kumin MLA inthlan kan hmachhawn tur chungchanga District inpuahchahnate thlirho a ni. Expenditure Observer Vinay Kumar Kantheti IRS, chuan a kal kualna chinah inpuahchahna a tha viaua a hriat thu a sawi a, election team hrang hrangte hmalak dan tur hrilhin Flying Squad Team leh Static Surveillance Team ten an kal kualna a an check tur an hriat theih nan political party leh candidate te zawm tur te pawh sawi langin heng te hi ngai pawimawh turin a ti a, dan in a phalna chin ah huaisen tak leh rinawm taka duty zel turin team hrang hrang te a chah a ni. Hei bakah hian Team hrang hrangten daily report thehluh nan form fill up kalhmang leh ECI thupek hrang hranga an thil hriatthiam lohte zawhna leh chhanna hun hman bawk a ni. He hunah hian Election kaihhnawih a team hrang hrang an tel vek a ni.