Gijon Open quarter final-ah Andy Murray chu American Sebastian Korda lakah tlawmin a tla. 

British world number 1 hlui Murray hi tuna rank 48-naah a awm mek a, game nga a zawnin hnehna a chang tawh chungin a chaklo zawkah a tang leh. Set khatna hloh mah se set hnihna chu awlsam angreng takin a la let ve mai a, set thumnaah world number 47 Korda chu lehthal zo lovin 6-4 1-6 6-1 in a tlawm ta a ni. Korda hi France tlangval Arthur Rinderknech nen semi-finalah an inhmachhawn ang.

Kum 35-a upa Murray hi he tournament atan hian wildcard pek a ni a - September thlaa Laver Cup khelh hnua tournament a vawi khat khelh lehna a ni.

British number 3 hian round khatnaah Alejandro Davidovich Fokina a hneh a, second round-ah Argentine Pedro Cachin a hneh leh a ni. 

Zirtawpni khan last 8-ah Murray hian opening set-ah service nei tha viau mahse a tumpui pa hian a leh thal thei a, set khatna hi minute 56 chhung zet khelin Korda hian 6-4 in a la thei hram a ni. 

Murray chuan chhang let ve lehin serve break vawi hnih lai a nei a, break point tum li a humhim bakah 5-0 zetin hma a hruai a, set hnihna chu a la ve thei ta a ni. 

Set hnuhnung ber hi a hmuhnawm hle a, Korda hian set hnuhnung ber hi lk ngei tumin a tang hle a, kum 22 mi hian ropui takin set thumna chu a 6-1 in a la let thei a ni. 

Andrey Rublev chu Gijon-ah top seed niin tun season chhunga license tournament paruk neih tur zinga mi a ni. Russian hian semi-final dangah Austrian Dominic Thiem a hmachhawn ang.