DOWNLOAD OUR APP

Read latest news on your phone
app-store

Korea Open: Seoul-ah Emma Raducanu-i'n first round-ah Moyuka Uchijima a hneh

Sep 22, 2022

Britain nula Emma Raducanu, Korea Open-a seed parukna chuan Seoul-a Korea Open first round-ah Japan nula Moyuka Uchijima a hneh.

Britain nula Emma Raducanu, Korea Open-a seed parukna chuan Seoul-a Korea Open first round-ah Japan nula Moyuka Uchijima a hneh.

Kum 19 mi Raducanu hian set hnihnaah 5-0 in hma a hruai a, match point-ah double fault a nei chungin 6-2 6-4 in hnehna a chang. A chakna hian last-16 luh tirin Belgium nula Yanina Wickmayer nen an inhmachhawn ang.

Raducanu hi August thla khan world ranking-ah 10-na a ni tawh a, mahse tun thla tir lama US Open first round-a a chak loh hnuah 77-naah a tla thla.

Kum 21 mi Uchijima hian Grand Slam match a la khel ngai lo a, ranking 126-na a ni mek. A zawna game li chak tawh hi Raducanu-i hmaah chuan eng a ni lo. 

A hmachhawn leh tur kum 32 mi Wickmayer hi, world number 12 ni tawh mah se tunah chuan world ranking-ah 460-na daih ni mek. 2021 khan a fa hmasa ber Luana a neih hnuah hun eng emaw chen a chawl a, kumin kum tir lam khan tennis khawvel-ah a rawn zuang lut leh chiah a ni.

Share now