• Lalchhandama Colney
  Chaltlang, Lily Veng
  WhatsApp/Ph-9862982321
• Thiante inah: A bik takin thalaite leh zawnglaite tan chuan programme han neih ve deuh kha a mak hran awm lo ve. Tun hma deuh atang tawh, thianzaho emaw in, tute in berah emaw ei turte siamin kan hmang ve thin a, a hlimawm ve hle. Mahse, hei hi a that lohna lai a tam hle a, zu leh hmeichhiate nen, thenkhat phei chuan damdawi ruihhlote nen an chawlhpawlh nuaih mai thin, a tha lo hle. Khawilaiah emaw chuan thianghlim taka hmang an awm mai thei a, an awm pawn an tam lo hle ang. Awle, thiante nen, hmanhopui chak tak takte nen a han tihho vel chu a phurawm ngawt ang. Kan lo hmangho dawn ta a, hetih lai hian ngaihtuahna fim tak kan lo put lawk a – zu, drugs, sex etc. te tum lawk loh pui a tih ve thutte a awl tih hre reng chungin, kan hman a tul hle ang. Hetianga hmannaah hian harhfim tak leh thianghlim taka hmang hi chu an awm ngai mang lo,a tam berah pahnih khat bak an ni ngai lo. Thiante zinga engmah ti ve duh lo, thing pawl a han tan chu a hun lai chuan a hrehawm viau ang; mahse, nakinah an la ti fuh zawk dawn a ni.

Lengkual VelIn: Kum 1980 [Hriat theih chinah] chho vel lai atang tawh khan a bik takin thalai lam te he hunah hian a huho a vah dul dul, kal dul dul kha an ching thin a, lenkhawmna lama tel chu an tam teh chiam ngai lo. Nu leh pate leh thalai thenkhatte chauh lenkhawmna lamah an tel thin a ni. Hun a lo kal zel a, khawlaia vah kual vel chu kan ching chho zela, tun hnuah phei chuan kan uar ta hle mai. Kawn leh kawtthler, a cheina chi hrang hrang hmanga chei kan intih hmuh hnu phei hi chuan zanlaiah pawh traffic a buaiin, a jam deuh thin ta hial zawk mai. Khawlai fang kual vela han hman chu nuam kan ti hle mai. Hetih lai hian hetia han hman vel hi a hautakna lai a awm a, accident-te pawh tawh palh theih a ni, chubakah thlarau chu chawm lo hlein a hriat bawk. Engpawhnise, a hmang rau pawlah tan tum ta ila, miten zu, nula etc. nena an tih lai pawhin, harhfim takin, kan nun atana hmuhchhuah neih tum ran in thlirkual tum ta ila, kan hlawkpui ngei ka ring.

Mahni Inah: Tar leh damlo, awmnem deuhte leh pawn lam ngaina teh chiam lo ve hrim hrimte tan chuan mahni inchhung luma hman leh mai kha a rem chang viau awm e. Hetia han hman hi thenkhat chuan khawharthlak duh awm mang e, kan ti mai thei; mahse, lehlamah chuan sum leh pai a hek lo va, pawn lam boruak tha lo tak tak kan lo pumpelh reng bawk a. TV, internet, etc. atangin hmun danga thil thleng, miten an hman ve dan etc. te duhtawkin kan hre thei bawk a ni. A that lohna lam han sawi leh ta ila - thianten engtin nge an hman etc. tih kha kan hre ve mumal dawn lo a ni. Nakinah mite zingah sawi tur kan nei ve lo vanga kan hawihai reng mai dawn a ni. Engpawh nise, thil hi chuan thatna leh that lohna lai hi a nei zela, chuvang chuan rau taka hman kha han tum ta ila. Kan suangtuahna leh duhthusamte a Lam hawi tir tlat tum ta ila, tuman min rawn hmu chuang lo, tih chhuanlama Pathian do mai lovin, hlim takin a awmpuinathar chan ngei tum in awm hmunah inbuatsaih sauh sauh zawk ila, engmah zawl lam neih loh ai chuan kan tifuh zawk ngei ang.

Krismas awmzia: A awmzia hre lo tak tak chu kan awm awm kher lo ve; mahse, han sawi ve leh hram tum ila. Eden huana bawhchhiat a nih hnu kha chuan mihring hmasate chanchin kha han enchiang hlawm ta ila, sual hlirin an khat a, Pathian pawh a thinur thin hle a ni. A thente chu a hnam pum pui a tihmang vek te, a tawpah phei chuan tui hial a lettir ta a ni. Siamtu Pathian pawh hi a inchhir ve ngawih ngawih a ni. Mahse, hetih lai hian Pathian chuan hmangaihna mitin min la thlir reng a, kan tan kawng inhawn leh theih dan tur a dap reng a ni. A tawpah chuan mi chi tin thleng phak chhandamtu min pek chu a tum ta a. Mari leh Josefa kaltlangin Isua Krista chu mihring angin a lo piang ta a, chu a lo kalna/pianni champha chu, Krismas kan lo ti ta a ni. A hlutna em em chu hetiang ang hi khawvelah a la awm ngai lo va, hun lo la awm turah pawh a awm leh ngai tawh dawn lo a ni.
Kan nghahhlelh em em Krismas chu kan lo thleng leh ta dawn reng mai, min hruaitu Pathian hnenah lawmthu sawi mawlh mawlh kan ba. Kohhhran, khawtlang etc. inbuatsaihna pawh a kal mup mup reng a, mi chi tinte kan hlimin kan lawm hle mai. A hmanna tur lamah hian engtin nge kan inruahman ve hlawm aw, hun tawite a ni a, engpawh nise, thiante inah a ni emaw, lengkual velin emaw etc. lo ni ta se, a tha vek alawm, fel tak leh tha taka hman anih chuan in ti teh ang, hetih lai hian a hmanna tha ber [best] chu Biak In lam kan ti lo thei lo vang, Krismas khawiah nge i hman dawn le?