Aizawl: Aizawl SP, Lalhuliana Fanai chuan Zalen palai zawhna chhangin police te’n Kristmas leh kumthar vuakvetah khauh lehzual a hna an thawh dawn thu a sawi. Aizawl SP chuan police duty dan tur sawiin, “Zan patrolling uar zawkin kan kalpui dawn,” a ti a. Khawlaia bengchheng te, zurui te leh ruihhlo ti te chungah pawh an strict dawn niin Zalen palai a hrilh bawk.| Halpuah pawh strict taka khuahkhirh a ni dawn tih sawiin Aizawl SP, Lalhuliana Fanai chuan halpuah mai bakah silai mu nei chi pawh phal loh niin khuahkhirhna pawh khauh taka kalpui a nih dawn thu Zalen palai a hrilh bawk.