ZALEN Dec. 25. 2024; Aizawl Sahuan atanga savawm chhuak chu thla 8 ral hnu ah sahuan bulah bawk tukin khan man a ni.

DCF (Wildlife) Margaret Lalramchhani, IFS sawi danin, he savawm hi Thawhlehni (December 24) vel atang khan sahuan bulah a rawn inlar leh tih an camera dah atangin an hmu a, a manna tur thir bawmah chaw chahin Nilaini zing (December 25) khan bawmah hian an khalh lut thei ta a ni.

Kumin March thla chho a 2024 thli leh ruah thawkin Aizawl Zoological Park chhehvela thing leh thingzar a titlu nual a, April zinga thli leh ruah thawk leh chuan savawm dahna chhungah thing a ti tlu a, he thing tlu hi savawm pakhat chuan zawhin a chhuak ta nia hriat a ni.

Man tumin Forest department chuan theihtawp chhuah mah se, man hleihtheih a ni loa, mi kut palh a tuar nia ngaih theih te in a awm bawk.

Hetihlai vel hian mipui him zawkna atan sahuan pawh ni 13 chhung vel khar phah a ni.

A chin chhui zui reng mah se, a hnu lamah chhui hleihtheih a ni ta loa, hmuh leh pawh an inbeisei ngam tawh loh hnu ah tunhnai khan sahuan bulah hian rawn inlar lehin an lo man thei ta a ni.