November 25, 2023; U-A-Ma (Krismas) thlen nan thla 1 chiah a awm ta, Aizawl khawpui chhung kawngpui dungte pawh cheimawi tan mek a ni.

Kristian leh tian lo te tan pawh a hun hlimawm leh ngaihhlut hlawh, Krismas atan Aizawl khawpui a inpuahchah tan mek a, hmun tam takah Biakin leh a vel te chei chhoh mek niin, veng engemawzatin an huamchhung kawngpui an chei chho mek tawh bawk.

'A insenso thlak,' 'Mi harsate tan inseng zawk se' ti kan awm leh teuh maithei, engpawhnise, veng/kawnchei leh mahni mimal in te, biakin leh a vel cheimawite hi he hunpuiin a ken tel a ni tawh a, nun tihlim a, nunau te hlimna thlentu a nih avangin 'sel' ngawt mai loin, a 'eng' zawngin thlir ila...

A tak takah chuan hetiang a veng/kawn chei thin vengte hi midangte tana luang chhuak nasa veng an ni duh chawk a nia...!!!