'Twilight' star Kristen Stewart chuan nupui neih a tum hnai niin khawthlang media te chuan an tarlang ta chuai chuai mai le. American actress hian a nulatpui Dylan Meyer a ngaizawng a, inneih hial an tum chho niin a lang. 

Kum 33 mi Kristen Stewart leh Dylan Meyer te hi hun eng emaw chen an lo inkawp tawh a, an chanchin pawh hian ngaihven a hlawh hle. Hemi chungchang hi tun hnaiah sawi chhuah a ni a, a hun tur erawh Kristen Stewart hian a la sawi chiang duh lo a, mipui barakhaih an tum a nih hmel hle. 

Kristen Jaymes Stewart (33) leh screenwriter Dylan Meyer (35) te hi a vawi khat nan 2013 khan an intawng a, kum 2019 atang khan an inkarah ri ret ret a awm tan. Rin lawk ang ngeiin 2019 kum tawp lamah an inzui ngei thu official-in an puang a, Instagram lamah an in 'kiss' lai thlalak an pholang nghe nghe. November 2021 khan an inhual thu an puang a, inneih hial an sawiri ta a ni.