ZALEN August 26, 2026 : SL&PB chuan Kristian Hla Bu thar kâwm siam danglama sumdawn nân lo hmang an awm thu sawiin ti chhunzawm tawh lo turinin ngenna an siam.

Synod Literature & Publication Board (SL&PB) chuan Kristian Hla Bu thar (19h Edition) a tihchhuah, August ni 14, 2026-a kohhranho ten Pathian fak leh chawimawina atâna an hman tûra hlan chu mi ṭhenkhatin a kâwm tidanglamin sumdâwn nân an lo hmang tih a sawi a. 

Hemi chungchâng hi Synod Literature & Publication Board Executive Committee chuan ngaihtuahin, 'Kristian Hla Bu hi Pathian biak nâna hman tûra kan lehkhabu serh hran a ni a, SL&PB-in a phalsak a nih loh chuan mi malin a kâwm lo tihdanglama, sumdâwnna atâna lo hman hi a rem lo va. Lo ti tawh leh lo ti mêkte pawh tih chhunzawm lo tûrin kan ngên a ni,' a ti.

Kristian Hla Bu hi a kâwm dum bakah rawng chi dangte leh zipper awmte pawh siam mêk a ni tih tarlangin, "Kohhran mipui, a kâwm rawng chi dang deuh leh zipper awm duhte pawhin hei hi lo nghåk hrâm hrâm tûrin kan inngên a ni," tiin SL&LB thuchhuah (Circular) ah tarlan a ni.