October 3, 2023; September ni 26-28, 2023 chhunga Christian Conference of Asia (CCA) - Asian Ecumenical Youth Assembly 2023 Kottayam, Kerela-a neihah PYF Asst. Secy. Nl. F. Lallianzuali, CKTP C/M ni bawk chu PYF aiawhin a tel a, Tv. Immanuel Lalrampanmawia, Model Veng Branch chu KTP aiawhin a tel bawk.

He assembly ah hian ram hrang hrang 20 atangin thalai an kalkhawm a, Pre Assembly ah hian thalai 100 an tel. He Assembly theme atan hian "God, Renew us in your spirit and restore the creation" tih hman a ni.

September ni 30 - October ni 4, 2023 chhung hian CCA 15th General Assembly neih chhunzawm a ni a, he hunah hian Tv. Immanuel Lalrampanmawia hi a tel chhunzawm nghal a ni.