Aizawl: MPC Party chuan thuchhuah siamin 19.10.2017-a Tuikual North-a Congress party intawh khawmnaa, Minister of State KS Thanga thusawi chu MPC Party chuan an helh hle tih an sawi a. “Chief Minister Lal Thanhawla kaihhruai Congress sawrkar chu anmahni party bil sawrkar mai a nihzia a tichiang hleah kan ngai a ni,” an ti. Nimina thuchhuah an siamah MPC Party chuan Tuikual North Unit-1 Congress huamchhunga an party zawmthar lawmluh naah Minister of State KS Thanga chuan, “Congress sawrkarah chhungte nei tha leh sawipuitu nei tha in awmzia a nei dawn tawh lo” a tih chu MPC Party chuan lawmawm a tih rualin, sawrkar term tawp dawn a ruai a, hma thar la tura han intintuah leh hnuhnawh chu Vote zawn nana mipuite bumna maiah an ngai tih an sawi a. “Hlauhna leh beidawnnaah min hnuklut mek a, mipuite mangang a, kan awm mek chhanchhuak turin MPC party chuan hma kan la zel dawn a ni,” an ti bawk.