October 3, 2023; Congress MLA, Palak Constituency bialtu, KT Rokhaw chuan vawiin khan MLA a nihna atanga banna Speaker Lalrinliana Sailo hnenah a thehlut a, MLA inthlanpui lo awm turah MNF ticket in a ding ang.

KT Rokhaw banna hi Assembly Speaker Lalrinliana Sailo chuan a pawm sak a, banna a thehluh zawha thuthar thehdarhtute zawhna chhangin KT Rokhaw chuan, a bial mipuite nen inrawn chunga thutlukna siam ani tih a sawi a, a bial chu Ruling MLA biala a awm ve a duh avanga Congress MLA a nihna atanga bang leh MNF ticket a din tum a nih thu a sawi.

KT Rokhaw chuan MNF chuan term hnih nan sawrkarna an siam leh ngei ang tih chu Mizo mipuite rin dan vek a ni a ti a, a bial chu ruling bial ni ve ngei turin a duh tih a sawi bawk.

MNF Candidate tura thuthlukna a siam hma in a bial chhung tlawh chhuak vekin mipuite ngaihdan a la vek tih a sawi a, Congress Party hruaitute leh MNF Party hruaitute ngaihdan a la tel tih sawiin, MNF Candidate a ni tur chu an thlawp vangin thuthlukna a siam a ti a, Congress MLA atanga banna Speaker hnena a thehluh bakah hian Congress Party a Primary member a nihna chu Congress ah a thehlut niin a sawi.