October 27, 2023; October ni 23 (Thawhtanni) khan KTP General Conference 2024 hla bu buatsaih chungchangah CKTP leh PRESSCOM ten inremna an ziak.

Hla Bu hi Copy 55,000 chhut tura ruahman a ni a, November ni 24, 2023 (Zirtawpni) zanah tlangzarh a ni ang.

Member ten kan beisei fo thin angin, a huho a sak nuam tur chi a tam thei ang ber dah a ni.

October ni 21 (Zirtawpni) khan Transport Sub-Comittee leh ACBOA hruaitute, KTP General Conference 2024 atana hmalak dan tur hrang hrang sawi hovin meeting neih a ni bawk.

Kum 2024 General Conference thlengtu tur Ngopa hi tunhnai khan Central KTP hruaitu mi 7 ten tlawhin, organising committee leh midangte nen an inkawm a, pandal sakna tur, rorel Inkhawm neihna tur, lirthei dahkhawmna tur leh tuldangte an tlawh a.

CKTP Asst. Leader LV Lalthantluanga'n a thlengtu puihna Rs. 15,00,000/- a hlan a ni.