Aizawl: Kum 2022 chhung khan Kristian Thalai Pawl (KTP) member nupui pasal nei 3,893 an awm a, an zinga 1,820 (46.75%) chu biak ina innei niin, mi 2,073 (53.25%) chu hmun danga innei an ni.

KTP Rorel Inkhawm vawi 10-na, Zemabawk Kohhran Biak Ina neihah he thu hi tar lan a ni a. Zirtawpni zan report inkhawma tar lan danin, KTP hian pastor bial 217-ah branch 898 an nei a, member 1,65,089 awmin, mipa 1,01,742 leh hmeichhia 63,347 an ni a, branch 898 zinga 44 chu Mizoram pawna mi a ni.

Kum 2022 chhung khan KTP member thi 643 an awm a, an zinga 567 chu mipa niin mi 76 chu hmeichhia an ni a. Kum 2021 aiin 2022-ah KTP member boral 187-in an tam zawk. Nimin nilengin a ni a, inkhawmpui hi zanin hian a tiak ang.