ZALEN March 9, 2026: Vairengte dai kudam hrang hrang atanga kuhva ro bag 5849 bo chungchang home minister in house-ah a sawifiah.

Vawiin assembly budget session zawhna leh chhanna hunah member te zawhna leh zawhbelhna te chhanga he thu hi sawiin, home minister chuan, Vairengte dai kudam hrang hrang atanga kuhva ro bo zat chu bag 5849 a nih thu sawiin, police te ven reng a ni loh thu leh case nei a la nih loh thu a sawi.

Home minister chuan kuhva ro thuhruk a awm tih sawrkarin a hriat thu te, police te an veh tir a, enthlak tir leh chhinchhiah ruk a nih thu a sawi. Thubuai ziahluh a nih hma in police te hmalakna hriain a neitute hian zan hnih khat thil thu ah an lo senghawi vek a, amaherawhchu a bo hnuah thubuai ziahluh tho a nih thu a sawi bawk. "Umzui a ni a, ramri bul lawka awm a nih avangin ramri a pel tawh a nih a rinawm a, police tan zuk umphak ngaihna a awm ta lo a, hmuh let leh a awm ta lo a ni," a ti. Home minister sawi danin, hemi chungchanga thubuai kalzelah erawh mi engemawzat man an ni.

#ZalenNews