Aizawl: Kum 20 chhunga Aizawl khawpui a vawh ber tum chu kumin January ni 20 khan a thleng a, hemi ni a khaw vawh lam hi 5.1 degree celcius niin Science & Technology Department chuan a chhinchhiah a ni. Science & Technology Department chinchhiah dan chuan January ni 14,2012 chu khaw vawh ber ni aniin hemi ni hian 5.6 degree celcius a ni a, chhinchhiahna an kalpui atangin hei aia khaw vawh ni hi a la thleng ngai lo a ni.Khaw vawh chungchangah kumtin thil inthlakthleng a awm thin a, a tlangpuiin January thla chu khawvawh ber thla a ni thin a ni. Chhinchhiahna atanga alan danin kumtin chawhrualin khua hi a lum hret hret a, mahse hetih lai hian kum 21 chhunga lum ber tum chu April ni 8,2001 khan thlengin hemi ni a khaw lum lam chu 35.4 degree celcius a tling hial a ni.Science & Technology Department thawktute chuan kumtina Aizawl khawpui lum hret hret chhan hi thingtlang atanga khawpui a lut ten thing leh mau an tih chreu nasat vang nia an ngaih thu an sawi.\