DOWNLOAD OUR APP

Read latest news on your phone
app-store
Kum 2000 hnulama minute ena goal thun record nei tha player 3
May 25, 2022

Ram hrang hrang hian mahni football league theuh kan nei a, a class a insan hleih ang bawkin an khelh dan style pawh a danglam. Football game-ah hian chona hmachhawn tur tam tak a awm a, hmasawn tuma kalte chu reiloteah sang takah an invawrh thei thin. 2000 hnulama minute ena goal thun record nei tha player gGoal thun thei bik te chu:

3. Lionel Messi (89 minutes)

Barcelona fans ten an ui ngawih ngawih laia club chhuahsantu Lionel Messi hi, a club thar Paris Saint-Germain lamah lawm a hlawh lutuk loh vang ngeni a hlim teh chiam rih lova, a kalsan tak a hmun ruak luah theitu lah Barca lamah an awm hek lo. 

Barcelona tan Messi hi a khel rei ngat ngat hle a, season 17 chhung zet a khel. Catalan club tana a khelh lai hian Argentine leh a team-mate te chuan La Liga-ah ro an rel tih hial ngam a ni. Barca tan hian league game 519 a khelhah Messi hian goal 474 thunin minute 89 dan zela goal khat thun ang a ni. 

2. Erling Haaland (87 minutes)

Season thara Manchester City lama khel tawh tur Erling Haaland hi Borussia Dortmund tan a khel tha thei hle a, City lamin striker an mamawh lai taka lut a ni bawk a, Norwegian hi an chhawr tangkai viauin a rinawm. Tunah hian a contract chungchang tifel turin Manchester lamah a cham mek a, a fel thuai turah ngai ang. 

Haaland hi a palian-in a chak hle a, ball channa tur hmun a hriain a finishing a tawih thei hle bawk. German club Dortmund tan season thum a khelh chhungin a hming a chher mai bakah a club-in an chhawr tangkai em em a ni. League match 67 a khelh-ah Haaland hian goal 62 thunin minute 87 dana goal khat thun ziah ang a ni. 

1. Cristiano Ronaldo (81 minutes)

Portuguese superstar hian football a khelh chhung hian record duhawm tak tak a nei nual. Cristiano Ronaldo hian club hrang hrangah khelin league inang lo tak takah kual vel thin mah se hun reilote chhungin a insiam rem nghal mai thei a, a league khelhnaah player goal thun tam ber zing ami a ni thei zel bawk. 

La Liga-a Real Madrid lama a khelh lai khan Ronaldo hi a form that ber lai a ni a, Portuguese forward hian 2009-'10 season khan Los Blancos zawmin season kua zet a khelin Los Blancos chu league-ah tum hnih a champion pui. Real tan hian game 292 khel hmanin goal 311 a thun a, minute 81 dan zela goal thun ang niin he list-ah hian a sang ber a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh