Coco Gauff chu kum 2005-a Maria Sharapova hnua WTA Final, single khel thei naupang ber niin kum 18 mi chho a la ni. 

Coco Gauff hi singles leh doubles-ah season tawp final a lut ve ve a, doubles-ah hian Jessica Pegula nen an inkawp dawn a ni.

Gauff leh Pegula te hi kum 2009-a Serena leh Venus Williams te hnua American WTA Finals-a singles leh doubles khel kawp leh thei hmasa ber tur an ni bawk.

WTA Finals hi Fort Worth, Texas-ah October 31-7 November chhung hian khelh a ni ang.

World number 7 Gauff hi Elisabetta Cocciaretto chu 7-6 (7-1) 6-3 a a hneh hnuah,"A nihna takah chuan inkhelh a zawh hma loh chuan hlawhtlingah ka inngai thei lo. Singles leh doubles ka thleng thei hi lawmna tling chu a ni tawh hrim hrim a, mahse hmabak ka la nei a ni. WTA Finals ka khel thei tur hi a makin ka lawm tak zet a ni. Kum tir lam kha chuan hetiang hi ka thlen phak ka ring ngai lo a, mahse beisei bakin ka chetha a ni," a ti. 

Gauff hi kum 28 kalta Lindsay Davenport hnua WTA Finals khel thei tur American zinga naupang ber a ni bawk a ni. 

Tun season-a Grand Slam hmasa ber French Open final a lut a, Poland world number 1 Iga Swiatek lakah a tlawm thung. US Open-ah pawh a vawi khat nan quarter-final a lut bawk.