November 1, 2023; Mizoram a TV show ngaihhlut hlawh ber te zing a mi chu LPS commedian search a ni. Chu show a kum 2009 top -3 te chuan mual an liam zo ta.

Kum 2009 LPS comedian search kha he show kalpui tawh zawng zawng a a 'hit' ber kum tia ngaihdan nei mi tam tak an awm.

Kha mi kum, 2009 ah khan tun thleng a a hming lam rik la ni reng, Roluaha chu pakhatna a ni a, talent ngah, nimin (31.10.23) mai a vuiliam tak C. Laldinpuia chu pahnihna niin, KC. Tluanga, Kawlkulh chu pathumna a ni.

KC. Tluanga hian ni 14.4.2014 khan mual a lo liam tawh a, Roluaha, Tlangnuam, Aizawl pawhin 10.10.2017 khan mual a lo liam tawh bawk.

Fiamthu thiam te hi khawvelin a ngaihsan, mite hlimna thlentu an ni a, an lei taksa awm tawh lo mahse, an sulhnu leh an hlim thla te'n tun thlengin Zofate hlimna min la thlen a, an hlutna leh ropuina te engtikahmah a dai ngai lovang.