October 26, 2023; Central YMA General Conference vawi 74 na Biate khua Zialung Run a neih mekah vawiin khan kum 2023-25 chhung a office bearers (OB) turte thlan an ni a, kum 2025 General Conference thleng turin Sakawrdai thlan a ni.

Vawiin chawhma dar 11 atang khan Central YMA OB turte hi thlan a ni a, OB nilai mi paruk (6) zing a 5 te an post chelh lai ni lo, post hranah theuh an tling nawn.

Nimin khan rorel neih niin, sawrkar khawih leh YMA khawih agenda hrang hrang an pawm a, rorel palaite hian secret ballot hmangin kum 2025 YMA General Conference thleng tur atan Sakawrdai an thlang.

Biate a neih mek, YMA inkhawmpui lian hi zaninah palai thlahna inkhawm neih niin a tiak ang. 

Kum 2023 - 2025 CYMA Office Bearers :

President : Lalhmachhuana, Chaltlang Lily Veng (1330/2651)

Vice President : Prof. Lalnuntluanga, New Capital Complex (1138/2575) (vote thi 5)

General Secretary : Prof. Malsawmliana, Vaivakawn (2214/2407) (Vote thi 10) 

Asst. Secretary : Fabian Lalfakawma, Chawlhhmun (726/1945)

Treasurer :  Roneihthanga, Nursery (1481/1788)

Fin. Secretary : M.S. Ralte, Upper Republic (628/1823)