An hunlai a ni miau a, Cristiano Ronaldo leh Lionel Messi te pahnih chanchin sawi lan loh hi chu a har rih a nih hi. Kum 30 an tlin hnuah tunge chetha zawk tih pawh hriat a chakawm a lawm.   
   

Mual chhunga an che tla kan hmu a, an goal thun kan hmuin an record kan hre bawk a, rinhlelh rual lovin anni pahnih hi football khel mek zingah chuan player ropui ber an ni tih hi. 
   

Messi hi a club khelhna hmasa Barcelona lamah hlawhtling takin a khel a, PSG lama a luh hnu hian a che fuh hleithei rih lo. Messi hian a ram Argentina tan international title chu nikum 2021 khan Copa America a chawi ve thei hram a ni. 
   

Chutih laiin, 2015 February thla khan Ronaldo hian kum 30 a tling tawh a, Real Madrid tana a khelh lai niin Real tan hian Champions League trophy pathum ngawt a chawi hman a ni. 
   

Tunah hian international goal thun tam ber a ni mek a, a ram Portugal tan European Championship leh UEFA Nations League a chawi tawh bawk. Ronaldo leh Messi te pahnih hian Ballon d’Or 12 zet an in thei sem tawh a ni.

Cristiano Ronaldo-a club record:
Game khelh zat: 330
Goal thun zat: 285
Assist neih zat: 70
Game tina goal thun zat: 0.86
Game tina goal leh assist: 1.08
Penalty atangin: 56
Penalty tel lova game tina goal thun zat : 0.69

Ram tan:
Game khelh zat: 68
Goal thun zat: 63
Assist neih zat: 11
Game tina goal thun zat: 0.93
Game tina goal leh assist: 1.09
Penalty atangin: 13
Penalty tel lova game tina goal thun zat : 0.74

Lionel Messi-a club record:
Game khelh zat: 224
Goal thun zat: 173
Assist neih zat: 96
Game tina goal thun zat: 0.77
Game tina goal leh assist: 1.2
Penalty atangin: 22
Penalty tel lova game tina goal thun zat : 0.67

Ram tan:
Game khelh zat: 42
Goal thun zat: 23
Assist neih zat: 10
Game tina goal thun zat: 0.55
Game tina goal leh assist: 0.79
Penalty atangin: 6
Penalty tel lova game tina goal thun zat : 0.4