October 15, 2023; Nimin, Inrinni chawhnu dar 2:20 vel khan Leo Lalchhuanmawia (4) s/o R. Zoramchhani leh Jerome Vanlalhlua (4) s/o Lalvansiaka, Sairang venglai te chu an thenawm bul hnai a swimming pool ah chesual in tui ah an tla dun a, vanneihthlak takin Jerome-a zawk hi a nunna chhan hman ni in, Leo Lalchhuanmawia erawh chhan hman loh in a boral.

Leo- a leh Jerome-a te hi in thenawm, thian dun inkawm ngeih tak an ni a, an chetsual ni pawh hian inkawm dun in, nidang a an kal ngai vak loh na, an thenawm mai a awm picnic cottage pakhat ah an kal dun a, swimming pool ah tla dun in, an chanchin ngaihven tu an chhungten an va hmuh chuan Leo-a chu tui ah lo pil tawh in, Jerome-a erawh tui ah lo lang in hmuh a ni a, tui atang a lak chhuah an nih hnu a CPR te pe a, Sairang damdawi in pan pui ni in jerome-a zawk chu a nunna chhan a ni ta a ni.

Vanduaithlak takin Leo-a leh jerome-a te thian dun tuitlak lai hi mit a hmutu an awm lo va, a damchhuak zawk Jerome-a hi nikhua a lo hriat hnu ah an chetsual dan te zawh niin,a sawi dan ang in, naupang pual pool ah an cheng dun hmasa a, chumi hnu ah a bulhnai a pool lian zawk sir a an kal lai in a te zawk jerome-a chu pool lian zawk ah a tawlh thla lut palh a, chu chu Leo-a hian chhan tum in pool lian ah chuan a lut ve nghal a, an pahnih chuan tui ah an tla dun ta a ni.

Chahanchhuah an nih veleh sairang damdawi in panpui nghal an ni a, Jerome-a chu oxygen te pe in chhanchhuah ani a, Leo-a erawh a nunna chhan theih a ni ta lo a, Leo Lalchhuanmawia hi vawiin chhun dar 12 khan Sairang thlanmual no 1 ah vuiliam a ni.