ZALEN June 19, 2024; Kum 51 chhung zet YMA hruaitu ni thei Lalramthara Kawlni (73), Serchhip Hmar veng chu chawimawina thuziak (citation) hlan a ni.

Serchhip Hmar veng Branch YMA hruaitute hnen atanga ZALEN thudawn danin, Lalramthara Kawlni hi tun hma atanga tun thlengin Mizo tlawmngaihna nun pui tlattu, YMA rumrut a ni a, chhiatni/thatni ah midangte ring mai lo a, mahni ngei thawkchhuak zat zat thin a ni.

Tun dinhmun ah Serchhip Hmar veng Branch YMA ah adviser a ni mek a, chawl lovin kum 51 chhung YMA hruaitu ni mek a ni. OB (OB post a chelh kim vek tawh) -ah kum 22, ECM-ah kum 21, adviser-ah kum 8 a tang tawh. Serchhip Hmar veng Branch YMA chuan YMA Day vawi 89-na 2024 khan chawimawina thuziak an hlan a ni.