ZALEN August 17, 2026: Mizo Sunday School Union (MSSU) chuan nimin khan Lalngaihzuala (80) s/o Lalhmingthanga, Vengthlang, Hlimen chu Sunday School kum 50 kaikim chawimawina Pi Zaii Gold Medal an hlan.

Lalngaihzuala hi Covid-19 vanga Sunday School neih theih loh tih loh kha chu 1969 atanga khan Sunday School hi a la kai kim a, Pi Zaii medal hi kum 10 kaikim tana tih anih atanga 25 thleng khan a la kim vek a, 2018 khan a tum 50 nan a kaikim a, Hlimen Kohhran hian 2019 khan chawimawina an hlan a, hetihlai hi chuan MSSU chuan kum 50 kaikim lawmman a siam lo.

SEC in kum 50 kaikim tana Pi Zaii Gold Medal an siam takah chuan nimin Pathianni khan Hlimen Kohhran Biak In-ah MSSU Executive Secretary Rev. Dr. K. Lallawmzuala chuan kum 56 a kaikim hnuah he Medal hi a hlan a ni.