Kerala-a piang Mini hian bike khalha zin khawthawn nuam a ti em em a. He nutling bike lawm em em hian a Bullet bike 500-cc hmangin India chhim tawp Pakistan ramri dep Leh chu Delhi atangin a tlan thleng. Mini hian a nuta te rualin bike a khalh thin a, nuam a tih zawng tak niin amahin a tla fal zui ta a ni. 

Kum 56 mi Mini khualzin kawng hi km 2400 zeta thui a ni a, mipa tam takina an tum ngam loh puitlintu Mini Augustine-i hian kum hi number mai a nih zia a lantir chiang hle awm e. Biker Mini hian Bullet hmanga Delhi atanga Leh thleng tur hian ni 18 a hmang. Mini chuan zin khawthawnga ram fan kual i chak a nih chuan, chu i suangtuahna tipuitling turin phurna leh chakna a tawk niin a sawi.

A thil tuipuiah hian a chhungte atangin thlawpna a dawng tha hle bawk a, bike lian leh rit zawk a khalh hnu phei chuan a fate leh pasal ngei pawh chuan an phur puiin an puibawm nasa hle a ni. Bike khalh hi a pasal zirtir a ni nghe nghe a, a khalh thiam hnu hian bike khalh hi a atchilh tih theih hial khawpin nuam a ti chho ta a ni. 

Delhi atanga Leh thleng bike hmanga a tlan thleng chuan kawng hrang hranga a nun thlak danglamtu a nih thu a sawi a, a thil tum tihlawhtling tur hian a inzir ve nasa hle a, zawm ngei ngei tur routine siamin theih tawp a chhuah a ni. 

Mi sawisel pawisa lo va, mahni nuam tih zawnga kal ngam tura Indian hmeichhia te tana kawng sattu pawimawh tak a ni ngei ang.