Aizawl: Kum 6 kalta 2010 atanga 2015 inkar chhung khan Mizoramah thihdan pangngai ni lova thi (un natural death) mi 1380 an awm a, heng zingah hian mahni intihlum (inawkhlum) tam berin 513 an awm. Mizoram police chhinchhiah danin kum 6 kalta chhung khan inawkhlum hi 513 awmin hei hi thihdan pangngai lova thi (unnatural death) atanga chhutin 37% a tling a, chetsualna (intipalh/ midang tipalh etc.) vanga thi 246 in a dawt a ni. Heng bakah hian lirthei chetsual vanga thi 193, tuitla 167, damdawi hmansual vanga thi 63 leh chhan dang vanga thi 198 an awm bawk. Nikum 2015 bikah khan Mizoram ah unnatural death hi 256 a awm a, hengte hi inawkhlum 111, lirthei chesuala thi 23, tuitla 26, drug vanga thi 19 leh chhan dang vanga thi 77 te an ni. UD case hi January 2015 ah 17, February ah 14, March ah 27, April ah 22, May ah 18, June ah 22, July ahy 37, August ah 18, September ah 13, October ah 25, November ah 20 leh December ah 23 chhinchhiah a ni.