ZALEN Sept. 2, 2025: Khawlek, Saitual district a mihring ruhro hmuhchhuah chu kum 700 chuang a upa a ni tih Intach, Mizoram Chapter hruaituten an puang.

Vawiin chhun dar 12 khan Aizawl Press Club-ah thuthar thehdarhtute kawmin he thu hi an puang a, an convener Rin Sanga, IAS (Retd.) chuan ruhro an hmuhna hmun chu Vanbawng leh North Khawlek khaw inkar kham pang a awm a nih thu a sawi.

Intach Mizoram Chapter Convener sawi danin, puk hi Laltlanhlua, Khawlek in ni 11.1.2025 a a hmuhchhuah niin, puk chhungah hian mihring ruhro, luruh 9 (keh leh keh lo) leh mihring taksa bung ruhro hrang hrang bakah bel kehthem engemawzat hmuh a ni.

Heng ruhro zing atang hian carbon-14 dating tihna tur sample uluk taka lak niin, hei hi Beta Analytic, Miami, Florida, USA ah thawn niin, a result dawn tawh a ni. Result a alan danin, ruhro sample test result chu kum 1260AD-1320AD inkar a ni.

#ZalenNews