Kum dang aiin temperature a danglam tam lo : Khawlum chhan boruak bawlhlawh vang
![](/storage/news/post/j2hjgnebAQKU9JdP05B5HKMNkbikXxZCNS5C7xQ4.jpg)
April 18, 2023; Mizoram Pollution Control Board (MPCB) member secretary C. Lalduhawma'n tunlai khawlum chhan chu boruak bawlhlawh vang a ni ber tih a sawi. Hetihlai hian Aizawl ah kum dang aiin khawlum lam maximum temperature a danglam tam hran lo.
Mizoram Science & Technology department a Scientific Officer hnen atanga ZALEN thudawn danin, tun dinhmunah kum dang aiin temperature a sang viau chuang lo a, April thla hi khawlum hun a ni hrim hrim a. April ni 16 ah censius degree 33 a kai a, chu chu kumin a a san ber ni a ni. Kum danga a san ber ni ah celsius degree 36 te a ni thin a, kumin ah chutiang ang chu a la kai lo.
Scientific Officer sawi danin, minimum temperature a hniam vak lo a, April ni 9 atang khan censius degree 23 chung lam vek a la ni a, khawvawh lai ber a celsius degree 23 chung lam vek a nih a vangin ruah a sur lo bawk nen, khua a lum tluang a ni ber.
Nikum April thla khawlum lam (minimum temperature) chu chawhrual in celsius degree 20 a ni a, kumin April chu celsius degree 21.4 a tling. April ni 9 atang khan a maximum pawh celsius degree 30 a la kai vek bawk.
Hetihlai hian khawchin thlirlawkna ah tunkar tawplamah ruah sur theihna chance a awm a, mahse Mizoram pum a sur tur ang erawh a nih hmel loh thung.
Tunlai khawlum chungchang-ah Mizoram Pollution Control Board (MPCB) member secretary C. Lalduhawma chuan, boruak bawlhlawh vang a ni ber tih ZALEN hrilh in, "Van en i la, chhum kan hmu mang lo a, van paw thiang kak kan hmu mang lo a, a paw chuk a, chu chu meikhu leh boruak bawlhlawh inchawhpawlh a ni, green house chhung a kan awm a, lum em em ta ang hi a ni," a ti.
"Green house sarang angin, boruak bawlhlawhin min tuam a, ruah a sur si lo a, chhum hliahtu a awm si lo a, ni sa a lo kal tlang a, lumna chhuak leh turah a tawn chhuak zo lo a, van boruak paw chuk khian min tuam a, min up a, chu vanga lum chu a ni ber mai, temperature ah kumdang aiin a sang chuang em em in a lang lo, a bul ber chu boruak a bawlhlawh vang a ni ber," MPCB member secretary chuan a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024