ZALEN May 10, 2026: Nikum chhung khan Mizoramah mitthi 8,080 an awm a, chung zinga 5,183 (64.14%)-te chu mipa an ni a, hmeichhe thi zat aiin a let dawnin an tam zawk a. Hetihlai hian nikum chhung vek khan Mizoramah nau piang 21,873 an awm.

Economic & Statistics department report a tar lan a nih danin nikum chhunga mitthi chhinchhiah zawng zawng 8,080 zinga mipa 5,183 (64.14%) mipa an nih lai hian hmeichhia 2,897 (35.58%) an awm bawk.

Mitthi awm tam ber thla chu January, 2025 niin hemi thlaah hian mipa 480 leh hmeichhia 255, an vaiin mi 735 thi an awm.

Mitthi awm tlem ber thla chu November, 2025 niin, hemi thlaah hian mitthi 607 an awm a, chung mite chu mipa 399 leh hmeichhia 208 an ni.

Nikum chhunga mitthi 8,080 an awm lai hian nikum chhung vek khan nau piang 21,873 an awm a, chung zinga 11,076 (50.63%) te chu mipa an ni a, 10,797 (49.36%) te chu hmeichhia an ni.

October, 2025 chu nau piang tam ber thla niin mipa 1,109 leh hmeichhia 1,040, an vaiin 2,149 nau piang an awm.

Nau piang tlem ber thla chu June, 2025 niin hemi thlaah hian nau piang 1,400 an awm a, chung mite chu mipa 706 leh hmeichhia 694 an ni.

Data atanga a lan danin nikum chhung khan thla tin mi 673 mitthi awm ziah ang a nih laiin thla tin nau piang 1,822 awm ziah ang a ni bawk.