ZALEN June 8, 2026: Rural Development and Administration Department Minister Prof Lalnilawma hovin vawiin khan Department hrang hrang, All Mizoram VC Association hruaitu te leh Mizoram Journalists Association ten Viksit Bharat: Guarantee for Rozgar and Ajeevika Mission (Gramin) [VB:GRAMG] sawihona leh zir hona an nei.

VB:GRAMG hi kumin July 1, 2026 atangin ram pum ah hman tan a ni dawn a. Chumi in buatsaihna kal zel an State Level atanga Village Level thleng Orientation leh Public Outreach (Jan Samvaad) neih mek zel a ni a. Mizoram pawhin in buatsaihna nasa taka kal puiin, the Mizoram VB:GRAMG Scheme, 2026 chu Council of Ministers in a pawm hnu ah, notify niin, India rama VB:GRAMG Scheme siam hmasa ber a ni a. VB:GRAMG hnuaia ni 60 chhung chawlh, seasonal pause pawh Mizoram chuan a notify tawh bawk. Seasonal Pause chhung hian VB:GRAMG hna reng reng thawh phal a ni lo ang a, thingtlang mi ten buh tuh leh buh seng laia anmahni leh midang hnena an inhlawh theih nana he seasonal pause hi duan a ni. 

Khuallian Prof Lalnilawma chuan VB:GRAMG chu mipui ten a hlawk thei ang ber a chhawr tura chah in, dik tak leh fel taka mipui ten thawk zel turin a chah a. Khawi level ah pawh taima tak leh dik taka thawk turin a chah a ni. Tin, Press mi te pawh RD&A Deptt hmalakna hrang hrang a hmun a enho pui turin a sawm bawk. Kum 2 chhungin Ministry of Rural Development in ni 100 daih inhlawhna Labour Budget a approve a. Kumin ah erawh chuan Normative Allocation hmanga pawisa hi pek tur anih avangin Labour Budget approach in an kal ta lo thung tih a sawi bawk.

VB:GRAMG-a target tur Viksit Bharat@2047 atana mitin te, Department hrang hrang te an lo in puahchah nasat a ngaih thu a sawi a. Thingtlang khua te mahni a intodelh tura mitin in hma kan lak a pawimawh thu a sawi a, department hrang hrang atanga in thum rawn (convergence) tangkai taka kalpui a nih theih ngei a beisei thu a sawi a. 

VB:GRAMG atana State Matching Share te pawh Finance Department ah dil mek a nih thu sawi bawk. 

Prof Lalnilawma chuan MGNREGA kalpui dan ah te duhthu a sam em tih te, thingtlang mi te he Scheme kaltlang hian a chhawmdawl tha tawk em tih te ngaihtuah let a ngaih thu a sawi a. VB:GRAMG in a ngaih pawimawh Water Security chungchangah pawh Department hrang hrang ten nasa leh zuala thawh ho a pawimawh thu a sawi bawk a. 

State Orientation hi V Lalengmawia, Additional Secretary, Rural Development and Administration Department in a kaihruai a. He State Orientation on VB:GRAMG ah hian MGNREGA leh VB:GRAMG chungchang te PowerPoint presentation hmanga zirhona neih nghal a ni.