Aizawl : Government of India Office Memorandum F.No.31612021- PafWlfl : Dt.11.10.2022 in notification a tihchhuah angin Mizoram sawrkar pawh kal a tum a, 2023-24 finacial year atang chuan General Provident Fund (GPF) ah kum khatah Cheng nuai 5 aia tam a dah theih tawh dawn loh.

Mizoram sawrkarin March 20, 2023-a thuchhuah a siam angin sawrkar laipuiin a tih ang hian GPF account-ah dah phal chin a siam tawh dawn. Hetianga a kal dawn takah chuan mi tu pawhin financial year khatah GPF-ah hian cheng nuai nga bak a dah theih tawh dawn lo a, sawrkar kum thar atangin hei hi hman nghal tur a ni tih Principal Secretary, Finance Department, Government of Mizoram thuchhuah chuan a tarlang. Department leh Head of Office te pawh hei hi an hnuaiami te hrilh hre nghal turin an ti a ni.