Aizawl; Mizoram Health Care Society chuan kumin 2014-2015 chhungin damlo inenkawlna senso ah viabelchhe 10 chuang a pechhuak tawh. Mizoram Health Care Society hotute hnen atanga thudawn danin RSBY bikah kumin kum kal mekah hian inziaklut 152983 awmin dilna (claim) 10992 an dawng tawh a, heta tang hian Rs. 5,94,84,025 an pe chhuak tawh a. RSBY ah hian nikum khan Rs. 11,55,09,654 pekchhuah a ni. Health care schem pangngai ah kumin hian inziaklut 79196 awmin dilna 3062 an dawng tawh a, Rs. 4,82,60,225 an pe chhuak tawh a, nikum khan HCS ah hian Rs. 9,28,55,225 pek chhuah a ni tawh bawk. India rama chanchinbu lar ber zinga mi India Today Magazine chuan India rama state te 12 zingah Health section a titha berah Mizoram chu a thlang a, he award hi RSBY scheme kalpui that vanga hlan a ni ber a ni. Mizoram Health Care Society hian Ministry of Labour atangin Health Care scheme a kalpui that avangin lawmman engemaw zat a lo dawng tawh bawk.