Viktoria Plzen nen an inkhelh ṭumin Franck Kessie chu na takin a inhliam. Ivorian hi hrem lai Sergio Busquets aiah inkhelh bul a ṭan a, mahse minute 67-naah a ke vei hnunglam hliam avangin field a chhuahsan a ngai ta thung. 

Inkhelh zawhah Xavi chuan,"Kessie inhliamna hi a na hle a, a ke ruh natakin a hliam a ni," a ti. 

Vawiin hian Barcelona lamah test a nei ang a, a inhliam dan chiah a hriat ang. A lan danah chuan thla khat leh a chanve tal a inkhel thei dawn lo a ni. 

Qatar-a World Cup chawlh hma hian Barça hian game hnih an la nei dawn a, Almeria leh Osasuna nen an inhmachhawn ang. He inkhelah hian a inlan thei dawn lo tih erawh a chiang tawh. December 31-ah Espanyol nen derby an khel dawn a, he hunah hian a inlan theu dawn em tih erawh a la hriat loh. 

Kessie hi a khel tha thei hle a, Xavi pawhin a ringtawk hle a, a chhung lam midfield-ah a hmang tlangpui a, a passing pawh tum 65 zinga 56 chu a hlawhtling a ni. 

Match 13-ah minute 485 khelin goal khat a khung tawh a, Viktoria Plzen lakah hian a khel ṭha bawk.