ZALEN August 9, 2026: Kumin 2026 chhung a Mizoram police leh Excise & Narcotics department (END) in ruihlo an hal ral zat chu Rs. Vbc. 623 chuang hu a tling tawh.

April ni 2, 2026 khan Krishi Vigyan Kendra (KVK) Khawzawlah, Khawzawl District Drug Disposal Committee te bultumin September 2025 atanga February 2026 chhunga ruihhlo mante hal ral a ni a, Bawrhsap K Vanlalthiana’n a hmanpui. Ruihhlo halral te hi Rs. 131,343,340/-man hu a ni.

April ni 21, 2026 khan Champhai Police te'n ruihhlo Rs. Vbc. 465 chuang hu an man chu Mohammad Aaquib, District Bawrhsap chuan District Hospital Complex-ah a halral.

June 25, 2026 khan Excise & Narcotics department (END) chuan Ruihhlo Dona Ni - International Day against Drug Abuse & Illicit Trafficking pualin Bethani Multipurpose Farm, Phunchawngah court-in a chinfel tawh

ruihhlo Rs 94,83,93,855 hu an hal ral.

June ni 25, 2026 vek khan Mamit District Drug Disposal Committee hmalaknain District Hospital incinerator-ah Mamit District chhunga damdawi leh ruihhlo man hrang hrangte halralna hun hman a ni a, Suvigya S Chandra, IAS District Bawrhsap chuan ruihhlo halralna hun hi a hmanpui. Ruihhlo halral te hi Mamit PS leh West Phaileng PS atanga man Heroin 118.08 grams leh Meth 1.89 kg te niin local market a chhutin Rs. 48,41,400/- man hu a ni.

July 13, 2026 khkan Serchhip Police te chuan kum 2025 leh kum 2026 chhunga ruihhlo chi hrang hrang an man, tih ral (dispose) theih tawhte hal ralna hun, Serchhip Police Station kawtah an hmang a, Serchhip District Drugs Disposal Committee Chairman Gavit Gogna, IPS hovin, he ruihhlo hal ralna hun hi hman a ni a, ruihhlo Rs. 70,70,000/- man hu, Heroin gram 220 leh Crystal Methamphetamine gram 89 te hal ral a ni. 

Saitual District Drugs Disposal Committee chuan July ni 18, 2026 khan Champhai District Hospital Incinerator-ah ruihhlo Rs. Vbc 60.58 man hu an hal ral a, Deputy Inspector General of Police, C Lalnunmawia'n a hmanpui. 

August 3 khan Lunglei AP Tlanga Incinerator Centre-ah Lunglei District Disposal Committee (DCC) chuan ruihhlo (heroin no. 4) gram 164.34, cheng 32,14,000/- man hu an hal ral bawk.