Khawvel footballer piang tawh zinga ropui ber pawl Lionel Messi chuan tun season chhungin Ligue 1-ah goal 3 chiah ala thun. Proffessional football ka khelh atanga kum 18 hnu 2021-22 season-ah Lionel Messi hian Europe-a league lian 5-na Ligue 1 bik match 21 khelh tawhah goal thum chiah a la thun, a season duhawm loh ber a hmang mek a ni thei mai em?  

Argentine hian tun season-ah PSG tan competition hrang hrang game 29 khel tawhin goal 8 chiah a la thun a, a game khelh zat enin rawlthar mai a la nih lai kum 2004-a FC Barcelona tan a inlanna hmasa bera game 7 khelha goal khat a thun tih lohah a carrer chhunga a goal thun tlem ber tum a tawng mek a, vanglai hmang mek Messi-a tan mualphona a tling.

PSG Superstar Messi tana league campaign duhawm ber chu 2011/12 season kha niin season khatah goal 50 thunin assist 19 a nei bawk. Barcelona tana a season hnu hnung berah pawh kum 34 mi hian, game 34 a khelhah league goal 30 thunin assist 11 an nei thei. 

Barcelona club leh PSG tana Lionel Messi-a khelh chhoh dan hi i han en lawk teh ang.

Season        Matches    Goals    Assists

2004/05        7                 1            0
2005/06        17               6            2
2006-07        26             14            2
2007-08        28             10          14
2008-09        31             23          13
2009-10        35             34          11
2010-11        33             31          21
2011-12        37             50          19
2012-13        32             46          13
2013-14        31             28          11
2014-15        31             43          21
2015-16        33            26           16
2016-17        34            37           12
2017-18        36            34           14
2018-19        34            36           14
2019-20        33            25           22
2020-21        35            30           11
2021-22        21             3            13