Kuminah bike chhuak thar tur a awm leh nual dawn a, chung zingah chuan nghahhlehawm tak tak a awm leh dawn. Chung zinga ngaihven hlawh tak pakhat chu Royal Enfield Super Meteor 650 a ni a, Royal Enfield Bullet 350, Yamaha MT-07 leh YZF-R7 te pawh thawm nei lian zinga mi an ni. 

Super Meteor 650 hi nikum November khan Italy-ah tlangzarh a ni a, India ramah pawh lei tur a awm thuai dawn. He bike hian 648cc parallel twin engine a hmang dawn a, Interceptor 650 leh Continental GT 65 te nen an engine a inang dawn a ni. Super Meteor 650 hi a fork, LED headlamp leh aluminium part te upgarde a ni a, Rs 3.5 lakhs (ex-showroom) man ve ni tura ngaih a ni. Royal Enfield hian Himalayan 450 pawh tihchhuah an tum bawk. 

Adventure bike ngainatute tan thu lawmawm tak a awm a, 42cc liquid-cooled single-cylinder engine hmang XPulse 400 tlangzarh a ni dawn. Hero MotorCorp chuan XPulse 400 hi Himalayan 450 leh 390 Adventure te elpui atan an rawn duangin a rinawm a, nikum pawh khan Rs 1.26 lakhs (ex-showroom) man XPulse 200T 4V chu an lo chhawpchhuak tawh bawk a ni. 
Heng bakah hian - Triumph-Bajaj, KTM 390 Duke leh Triumph Street Triple pawh kumina bike chhuak thar tur zingah a tel. Street Triple hi nikum khan chi thum - R, RS leh Moto2 te a chhuak a, a man erawh a tlawm lo hle. 

Yamaha chuan kumin chhungin - MT-07 leh R7 te chhawpchhuah an tum bawk a, Honda Hornet leh Transalp hmuh tur a awm bawk ang. Suzuki pawhin V-Storm 800 DE an tlangzarh dawn a, V-Strom 650 an upgare dawn a ni.