ZALEN February 8, 2026: Kumin chhungin damdawi hman sual vangin mi pali an thi tawh a, mipa pathum leh hmeichhia pakhat an ni.

Excise & Narcotics department chhinchhiah danin kumina ruihhlo hman sual vanga thite hi kum 29 atanga 38 inkar an niin an vai hian heroin leh damdawi dang tih pawlhte an ni.

Chhinchhiah atanga a lan danin kum 1984 atang khan Mizoramah ruihhlo hman sual vanga thi mi 2,001 an awm tawh a, heng zinga 1,756 hi mipa niin hmeichhia 245 an ni.

Ruihhlo ti thinte thihpui tam ber chu proxyvon/ parvon spas niin heroin vanga thi mi 307 an awm a. Mizorama ruihhlo hman sual vanga thite hi an vaiin kum 14 atanga 58 inkar an ni.