Aizawl: Mipuiten man tlawm zawka damdawi an lei theihna tur Jan Aushadi Store (Generic Drug Store) chu kumin 2015 chhung hian district hospital tinah din tum a ni. Zirtawpni kaltaa JAS hawna inkhawm Aizawl Civil Hospital Auditorium a neih ah he thu hi tarlan a niin Generic Drug Store a damdawi te chu damlo te chawh turin Doctor zawng zawngte hriattir an ni. Generic Drug Store a damdawi zawrh te hi a man a tlawm bakah a tak tha a, Mizorama zawrh turte hi damdawi siamchhuaktu company 4- Indian Drugs and Pharmaceutical Ltd.; Bengal Chemicals; Karnataka Antibiotics leh Rajasthan Drugs & Pharma Ltd. te siamchhuah te zawrh a ni dawn a. Tunah hian damdawi item 153 a lo thleng tawh a ni. Aizawl Civil Hospital a Generic Drug Store (JAS) hi RKS in a enkawl ang a, an hralh zat leh hlep pawh mipui hmuh theihin phochhuah vek tum a ni. Jan (Mipui) Aushadi(Damdawi tlawm) Store (Dawr) hi India ram pumah 100 vel a awm a ni.