May 10, 2023; Kumin 2023, January atanga vawiin thlengin, Mizoramah lirthei registration tih thar 9,370 a awm belh tawh a, chung zingah chuan two wheeler taxi 24 a tel.

VAHAN DASHBOARD a tarlan a nih danin, kumin January ah lirthei 2,341 registered thar a awm a, February ah 2,243, March ah 2,254 leh April 2,020 leh vawiin May ni 11 thlengin 512, vaiin 9,370 (two wheeler 6,761) a awm a, chung zinga 6,575 chu Aizawl DTO chhung a mi a ni.

Hetihlai hian kumin January ah two wheeler taxi registered thar 6 awmin, February ah 5, March ah 5 leh April ah 7 leh May ah 1, a vaiin 24 a awm. Two wheeler taxi permit pek tawh zawng zawng zat chu 3,330 a tling tawh.

Tun dinhmun a Mizoram a lirthei awm zawng zawng zat 3,48,800 niin, chung zinga 2,44,095 chu Aizawl DTO chhung a awm a ni.