ZALEN October 15, 2024 : Mizoram Pollution Control Board chuan January atanga September, 2024 thleng khan lirthei 39255 an endik tawh a, heng zinga 636 te hian endikna an paltlang zo lo.

Endik zingah hian 2 Wheeler chu an tam ber a, 24743 an endik a, heng zinga 24559 te chuan endikna hi an patlang a, 184 ten an paltlang zo lo.

LMV Petrol lirthei endik hi 9385 a ni a, 9149 ten test an paltlang a, 236 ten an paltlang zo lo. LMV Diesel endik zinga 4150 ten an paltlang a, 196 ten an paltlang zo lo.

MMV endik 126 zinga pahnih ten endikna an paltlang zo lo a, HMV endik zinga 176 zinga pahnih ten endikna hi an paltlang zo lo bawk a, 3 Wheeler endik 476 zinga 16 ten fiahna an paltlang zo lo bawk.