Aizawl: Dr. Zawmsanga Sailo, Mental Health Counsellor chhinchhiah danin kumin kumtir atanga June thla tawp thleng khan Mizoram ah mahni intihlum 52 an awm tawh. Dr.Zawmsanga sawi danin kumin chhunga intihlum 52 zingah hian mipa tam zawkin 33 an ni a, hmeichhia 19 an awm bawk. Intihlum zinga a upa ber chu kum 63 a ni a, a naupang ber kum 13 a ni thung. Dr.Zawmsanga chuan intihlum te chu a tlangpuiin depression nei an ni deuh vek niin a sawi a, ‘Ram hmasawnna lo thang zelah nunphung leh khawsak phung a dang lam nasa a, heng karah hian zirtirna tha dawnglo te tan tlukluh a awl,’ a ti.