ZALEN September 15, 2024 : Kumin January leh August inkarah Mizoramah ruahtui tla a tam hle tawh a, hemi hun chhunga Aizawla ruahtui tla chu mm (millimetre) 1,941.7 a tling tawh a. Kumina ruahtui la tlak tam ber thla chu August a ni.

Directorate of Science & Technology chhinchhiah danin kumin January - August chhunga ruahtui tla zat hi kum hmasa lam January-August chhunga ruahtui tla zat aiin a tam hle a. Nikum January - August-a ruahtui tla zat, mm 1,378.7 a ni.

Kumin January-ah ruahtui mm 1.8 a tla a, February-ah mm 15.2, March-ah mm 33.8, April-ah mm 87.0, May-ah mm 519 leh June-ah mm 353.7, July-ah mm 35.5, August-ah mm 572.7 a tla.

Kumina ruahtui tlak tam ber ni chu May 28 niin, mm 205.0 a tla a, data atanga a lan danin, hetiang zata tam ni khat thil thu-ah ruah a tla zen zen lo.

Nikum January leh February-ah ruahtui tla a awm lo a, March-ah 78.0, April-ah 98.1, May-ah 102.8, June-ah 381.7, July-ah 291.0, August-ah 427.1, September-ah 321.7, October-ah 80.0, November-ah 108.8 leh December-ah mm 83.6 a tla, nikum chhunga ruahtui tla zawng zawng mm 1,972.8 a tling.

State Meteorological Centre, Directorate of Science & Technology-in a chhinchhiah tawh chinah Mizoramah kum 36 chhung (1986 atanga 2021) khan fur laiin (June - September) kum tin ruah mm 1,289.9 sur ang a ni a. Kum 2017 kha fur chhung bika ruah tui tlak tam ber kum niin, June - September thla chhungin mm 1,836.0 a tla a. Kum 2020 kha fur chhung bika ruah tui tlak tlem ber kum a ni a, June - September thla chhungin mm 856.4 chauh ruah a tla.

Aizawl-a ruahtui tlak dan (mm)

2019 - 1518.2

2020 - 1741.5

2021 - 1917.6

2022 - 2015.1

2023 - 1972.8

2024 - 1941.7

(January - August)