ZALEN 01 January, 2026 : Mizoram Larsap General (Dr) Vijay Kumar Singh, PVSM, AVSM, YSM (Retd) chu vawiin khan Kumthar lawmna hun hmangin Aizawl Temple Corps-ah a inkhawm.

Hemi puala thu a sawiah Larsap General (Dr) Vijay Kumar Singh chuan Mizo mipuite Kumthar pual duhsakna chibai bukin, Kumthar chuan beiseina, muanna, inunauna leh malsawmna a thlen ngei a beisei thu a sawi a. Kumthar lo inher chhuakin calendar inthlak danglam satliah mai a entir loh thu sawiin, hun kal tawhte thlirletna leh beiseina nena hmalam panna a entir thu a sawi bawk.

Larsap chuan Salvation Army-te chu thiltih hmanga rinna a taka lantira, mirethei, baihvai leh tanpui ngaite tuamhlawm thintu an nih thu sawiin, an hmalakna chhuanawm tak chu Kumtharah pawh chhawmnung zel turin a chah a ni.