ZALEN November 25, 2023 : Naupang kum tlinglo lirthei khalh tirem turin tunlai hian Traffic Police-te chuan hma an la mek.

Aizawl Traffic Police Media Cell in an tarlan danin Aizawl khawpui veng hrang hrang, a bik takin veng hmawr leh a chuan hnuai lam deuha Traffic Police duty awm lohna hmunah te naupang kum tlinglo leh driving license nei lo, school uniform ha chunga helmet khum lova Two wheeler khalh an awm thin tih hriat a ni.

Traffic Police chuan thil pawi lian zawk a thlen hma a tihrem a nih theih nan mipuite thlawpna an ngen a, dan bawhchhia hmute chuan Aizawl Traffic Police Whatsapp No.9366553559 ah leh Landline No. 0389-2313061 ah te an thlalak thawn emaw tawngkain emaw hriattir zel turin mipuite an ngen a ni.