'Kung Fu Panda 4' trailer chu tihchhuah a ni ta a, en a chakawm leh pek hle. A trailer hi ni rei lote chhungin mi maktaduai 10 chuangin an en a, hei hian a boruak len zia a tichiang mai awm e. 

He animation martial arts comedy film hi DreamWorks Animation te kut chhuak a ni a, an hlawhtlinpui rem rem hle. Tun tum hi Kung Fu Panda franchise 4-na tawh tur a ni a, naupang atanga puitling thlengin en a hlawh hle. An director hi Mike Mitchell niin, co-director hi Stephanie Ma Stine a ni. 

Kum 2016 khan Kung Fu Panda 3 tihchhuah a ni a, kum 10 dawn hnuah a thar kan nghak chhuak leh dawn ta a ni. Kung Fu Panda 4 hi March 8, 2024-ah tlangzarh tura ruahman a ni.