March 3, 2023; Chief minister Zoramthanga'n harsatna hrang hrang thleng thin te chu Zofa zawng zawngte min suihkhawmtu ah hmang ang u, tiin, Chapchar Kut hmangtu zawng zawngte lawmna chibai a buk.

Vawiin Chapchar Kut hmanna pui ber, Aizawl Sipai Lammual ah Kut Pa, chief minister Zoramthanga chuan, Chapchar Kut chhimtu zawng zawngte Kut chibai a buk a, Chapchar Kut pangngai a nih bakah, thil thleng pawimawh G20 meeting pui nen a inrual tih sawi bawkin, a lawmawm chungchuang hle tih a sawi. 

"Insuihkhawm leh zai i rel ang u tih thupui a hmangin, Zoram chhung a mipui zawng zawng, Zofate zawng zawng khawvel ram tin a mite hi Covid a ni emaw raltlanna a ni emaw, harsatna hrang hrang kan tawhte hi min suihkhawmtu ah i hmang ang u," a ti bawk.