ZALEN December 15, 2024 : Assam Rifles Mandir bula kutdawh-a thu thin hmeichhe pakhat, kut dawh tura taxi-a an dah thin, tlai lama taxi bawka an hruai leh thin nia sawi chu Women & Child Development director ruahmanain mi thahnmngai ten Department of Women & Child Development (WCD) Govt of Mizoram hnuaia hmeichhe baihvaite enkawlna, 'Shakti Sadan' Tlangnuam Aizawl-ah nimin khan dahluh a ni.

He kutdawh buaipuitu zingami chuan, "Kha hmeichhe kutdawt kha motor chuang chunga han hmuh thuak pawhin a damlo nasa tih a hriat theih a, thlasik khawvawt takah lo thi khawng reng se, he Kristian ram leh he hnam mualphona a nih vangin WCD director ruahman puinain Shakti Sadan-ah kan dah phawt a ni. "Heihi a chhungte nge kutdawh tura chhawrtute lo hriat atan kan han puangzar a ni," a ti.

Kutdawh hian amah buaipuitute bula a sawi danin Kutdawh tur hian zingah taxi in an dah a, tlaiah taxi bawkin an hruai leh thin a ni. Amah buaipuitu zingami Ruatfela Nu chuan, "Heihi kutdawh dan tenawm ber pawl a ni. A taksa chhiatzia chu vunin a tuam a ni mai. A taksa chak lo lutukte han enkawl dam phawt se, Khati anga damlo nasa kutdawh tirtute a zawn chhuah theih ang chu," a ti.