Ni sen sa hnuaia eizawng thin an ni a, an ei khawp an hmuh bak sum chuang liam an neih chu dah khawl turin an khuaah bank a awm ve lo. An theih ang angin mahni in chhungah an dah tha a luhkham hnuaiKhawtlang hruaitu thahnemngai ten mipui chhawr theih turin Society an din a, chu tah chuan sum an thawh chhuah ve ang ang te mahni thingrema dah tha tawh mai lo in an dah khawl tawh thin a, mipui sum dahkhawm chu a mamawh te’n Bank-a Loan puk ang hian an puk ve mai tawh thin a ni. Khaw kilkhawr zawk hmun Bank awm lohna ah Primary Agriculture Credit Cooperative Societies (PACS) hi hman tangkai a ni hle a, sorkar-in a din ni lovin khawtlang hrauitute'n khaw mipuite chhawr theih tura an din a ni. PACS hi Mizoram Cooperative Apex Bank hnuaiah awmin,Mizoram khaw hrang hrang 33 lai ah society hi a ding tawh a ni. PACS hi thingtlang kilkhawr zawka chengte chuan an tangkaipui hle a, khaw hrang hrang Bank lian zawkte in bun lohna hmunah a awm theih nan hmalak mek a ni. Mizoram Cooperative Apex Bank Chairman T.Lalmuanpuii chuan Apex bank hnuai ami an nih angin tanpui an ngaihna laiah PACS te hi an tanpui thin thu sawiin,'Kuthna thawktute'n PACS hi an hmang tangkai hle a, an sum thawh chhuah ang chhun chhunte chu an dah khawl ve bek bek thin a, an fate School Admission tih a ngaiah sum an tlakchham pawn PACS ah hian an puk mai thin a ni' a ti. Kum 2011 atang khan PACS hi kalpui tan a ni chungin kum 5 chhungin Socities a pun belh zel a, khaw thenkhat-ah chuan mimal ang chauh ni lo YMA leh tlawmngai pawl te pawh PACS hi an hmang tangkai hel a, an pawl sum neih te chu khawl khawmin, pawl anga hmalakna tura sum an in daih loh chang in khaw mipuite sum thawhkhawm chu pung awm lo in an puk mai thin a ni. In 335 awmna Khanpui khaua PACS Chairman K.Laltluanga chuan, an khaw mipui ten an tangkaipui hle thu sawiin;'Khanpui khuaah hian Bank a awm lo a, loan puk duh tan tawh tih ngaihna a awm si lo a, society a din hnu hi chuan In nei lo ten PACS-ah loan la in In te an neih ve phah tawh a ni' a ti a. Tluanga chuan sawhthing cho tura hlawhfa rawihna nei lo ten loan an puk a, sawhthing an thar chhuaha sum an hmuh hnu ah an rul leh mai thin thu sawiin, lo neitu mirethei zawk te’n an la hman tangkai chho zel a beisei thua sawi bawk a ni. Champhai-ah pawh PACS hi mumal taka din niin Higher Secondary School hial Society hian a lo din tawh nghe nghe a ni. Champhai PACS hruaitute zing ami tluanga chuan Grape chingtuten an tangkaipui thu sawiin, Bank pangngaia Loan puk a harsat rualin an Society member te chu awlsam taka loan an pek thin thu a sawiin;' Society member te hian an fate School admission tihna tur an neih loh tan an puk a, thenkhat chuan damdawiina an awma rulhna tur an neih loh ten an puk bawka kan tangkaipui takzet a ni' tiin a sawi a ni.