India chhul chhuak Priyanka Chopra chuan Kylie Jenner leh Selena Gomez te khumin milar zinga beauty brand nei hlu ber pahnihna a ni. Rihanna brand Fenty Beauty chu khawvela beauty brand hlu ber a ni mek a, Kylie Cosmetics chu top 3-ah a lang bawk. 

Rihanna brand Fenty Beauty hlut zawng hi £mtd 477.2 zet a ni a, amah hnaih bertu Priyanka Chopra hair care brand Anomaly Haircare hlut zawng  pawh £mtd 429.9 lai a ni - an inthlau lo hle. American reality TV personality Kylie Jenner brand Kylie Cosmetics chu pathumna niin, a hlut zawng hi £mtd 301.4 a ni  - top 3 te hlutna a sang fal hle.

American singer singer Ariana Grande brand R.E.M. Beauty chu palina niin, £mtd 70.3 vela hlu anga chhut a ni. Selena Gomez brand Rare Beauty pawh top 5-ah a lang phak a, £mtd 50.2 laia hlu a ni ve bawk. 

Dinhmun sang ber luahtu Rihanna hi Super Bowl LVII-ah khan a perform a, hei hian nasa takin Fenty Beauty hlutna a tipung. Super Bowl LVII zawh hnu khan music mai bakah a brand pawh hi $mtd 5 vel zetin a sang chho nia chhut a ni. 

Priyanka hian Anomaly Haircare hi nikum khan a launch ve chauh a, a hlutna a sang chak hle - beauty brand thangchak berte zingah a lang phak hial. 

Celebrity Beauty Brand Top 3
~ Rihanna 'Fenty Beauty' - £mtd 477.2 
~ Priyanka Chopra 'Anomaly Haircare' - £mtd 429.9
~ Kylie Jenner 'Kylie Cosmetics' - £mtd 301.4