DOWNLOAD OUR APP

Read latest news on your phone
app-store

Ladakh-ah internet broadband

Jun 16, 2022

Telecom company lian Bharti Airtel chu an inzar pharh zel a, tun hnai khan Ladakh leh Andaman & Nicobar Islands-ah internet broadband an pe thar ve leh ta. Airtel Xstream Fiber hi India rama khawpui 847-ah an kalpui tawh a, customer maktaduai 4.8 an nei tling tawh bawk. 

Telecom company lian Bharti Airtel chu an inzar pharh zel a, tun hnai khan Ladakh leh Andaman & Nicobar Islands-ah internet broadband an pe thar ve leh ta. Airtel Xstream Fiber hi India rama khawpui 847-ah an kalpui tawh a, customer maktaduai 4.8 an nei tling tawh bawk. 

Fiber-To-The-Home (FTTH) broadband service hi khawpui 2000 ah kalpui tumin hma an la mek a, hei hi kum 2025-ah chuan puitlin theih an inbei sei. Hmun kil khawr leh hla zawkah pawh huang an zauh zel a, Ladakh leh Andaman & Nicobar Islands-ah pawh hmun an khuar fel leh ta a ni. Airtel Xstream Fiber hian high-speed broadband hi Ladakh-a Leh-ah te, Andaman & Nicobar Islands-a Port Blair-ah te a hmang thei dawn a, company lam chuan service hi region hrang hranga hmun pawimawh dangah pawh tihpun an tum a ni.

Airtel chuan heng hmun hla tak takah hian private ISP zingah FTTH broadband roll-out hmasa ber an nih thu leh data superhighway nena inzawm tir a, customer-te hnena quality digital access thlentu hmasa ber an nih thu an sawi. Broadband lama an company hotu Vir Inder Nath chuan, "Airtel hian customer te mamawhna phuhruk turin nasa takin sum a seng a, kum thum chhungin ram puma khawpui 2000-ah FTTH kalpui tum a ni," tiin a sawi. 

Share now